Anıtkabirdä bäyräm ruxı

Törkiyä Cömhüriyätenä nigez salğan oluğ yulbaşçı ğazıy Mostafa Kämal Atatörekneñ soñğı yulğa ozatılğan urını Anıtkabirgä 29nçı oktyabr’ Cömhüriyät bäyräme uñayınnan bik küp keşe ağıldı.

Törkiyä ilbaşı Räcäp Tayyip Ärdoğan citäkçelegendäge däwlät êşlekläre qatnaşındağı tantanadan soñ mavzoley watandaşlarnıñ zıyarätenä açıldı. Änkaradağı Anıtkabirgä ilneñ här yağınnan meñnärçä keşe kilde. Alar Törkiyä bayraqları häm çäçäklär belän bäyräm söyeneçen kiterde. Aralarında yaña öyläneşkän parlar da, yäş’lär dä, qartlar da bar.

Xalıqnı Anıtkabirne äyländerep alğan uramnardağı iminlek noqtalarınnan uzdırıp êçkä ütkärdelär.