Ärdoğan Azärbaycannan qaytışlıy belderülär yasadı

Törkiyä ilbaşı Räcäp Tayyip Ärdoğan Azärbaycanğa yasağan êşlekle säfärennän qaytışlıy oçqıçta jurnalistlar belän äñgämä qordı. Ul 30 yılğa yaqın däwam itkän ärmän yawınnan qotqarılğan cirlärdä tormışqa aşırıluçı qabat torğızu häm üsterü êşçänlegen yaqınnan kürüen söyläde. Ul töbäktäge iq’tisadi mömkinleklärgä can kerüenä, transport yullarınıñ yañartıluına häm yañaları tözelüena şahit buluın äytte.

Ärdoğan Azärbaycannıñ İzrail belän säwdä xezmättäşlegenä İrannıñ rizasılıq belderüe xaqında fikeren citkerde. İlbaşı däwlätlärneñ ber-berläreneñ qarar çığaru mexanizmnarına yoğıntı yasamasqa tiyeşlegen assızıqladı. Ul İrannıñ monda aqıllı êş itüen teläwlären belderde.

Ärdoğan Glazgoda AQŞ ilbaşı Djo Bayden belän bulaçaq oçraşu xaqında da äytte. “Bu oçraşuda, älbättä, iñ ähämiyätle maddä - bezneñ F-35 teması bulaçaq.  Anıñ öçen bez 1 milliard 400 million dollar tüläp quyğan idek. Monı bezgä niçek qaytarırğa uylawları xaqında da üzlärennän sorarğa kiräk,”-dide ul.

Ärdoğan Törkiyägä F-16 birergä planlaştıruları şikelle qayber mäğ’lümatlar aluların citkerde.

“Bu döresme, tügelme - beleşäçäkbez. İñ yuğarı däräcädä minem bu temanı xörmätle Bayden belän söyläşüen urınlı bulır. Ägär döres bulsa, ber kileşügä taba bara torğan bulabız,”-dip söyläde ilbaşı.