Törkiyä İlbaşı Ärdoğan Azärbaycanda

İlbaşı Ärdoğan utırğan oçqıç Azärbaycannıñ yawdan azat itkän cirlärdä tözegän Fuzuli xalıqara hawa mäydanına töşte.

Üzen Azärbaycan İlbaşı İlham Aliyev qarşı alğan Ärdoğan Fuzuli xalıqara aêroportına kilgän berençe däwlät başlığı buldı.

Yaña hawa mäydanınıñ açu tasmasın kiskän Ärdoğan häm Aliyev annan soñ aêroport binasın qaradı, räsmilärdän mäğ’lümat aldı.

İlbaşı Ärdoğan säfäre qısalarında Aliyev belän bergä Ahmätbäyli-Füzuli-Şuşa, Ahmätbäyli-Horadiz- Mincivan-Ağbänd avtoyulınıñ açılışında häm Zängilanda Törkiyäneñ öleşe belän dä tözeläçäk Aqıllı igençelek şähärçegeneñ nigez salu tantanasında qatnaşaçaq.

Säfär waqıtında Törkiyä-Azärbaycan mönäsäbätläre küzdän kiçereläçäk, ike il arasındağı xezmättäşlekneñ tağın da arttırıluı öçen yasalaçaq adımnar qarap çığılaçaq.

Söyläşülär waqıtında ike yaqlı mönäsäbätlär belän bergä könüzäk, regional’ häm xalıqara täräqqiyätlär turında fiker alışu da küzdä totıla.