İlbaşı Ärdoğan Azärbaycanğa kitte

Törkiyä Däwlät başlığı Ärdoğan Azärbaycan İlbaşı İlham Aliyevneñ çaqıruına cawap itep irtänge säğätlärdä Änkara Äsänboğa hawa mäydanınnan Azärbaycanğa xäräkät itte.

İlbaşı Ärdoğan belän bergä Tışqı êşlär ministrı Mäwlüt Çavuşoğlu, Transport häm asqorma ministrı Adil Qaraismailoğlu, Milli saqlanu ministrı Hulusi Akar, Moxitnı saqlaw häm şähär tözeleşe ministrı Murat Kurum belän İlbaşı idaräseneñ êlemtä başlığı Fahrettin Altın häm İlbaşı idaräse süzçese İbrahim Qalın da säfärgä çıqtı.

İlbaşı Ärdoğan säfäre qısalarında Watan suğışı belän yawdan azat itelgän Füzulidä qısqa waqıt êlek tämamlanğan xalıqara hawa mäydanınıñ açılışı belän töbäktä salınğan avtoyul häm Zängilanda Törkiyäneñ öleşe belän dä tözeläçäk Aqıllı igençelek şähärçegeneñ nigez salu tantanasında qatnaşaçaq.

Säfär waqıtında Törkiyä-Azärbaycan mönäsäbätläre küzdän kiçereläçäk, ike il arasındağı xezmättäşlekneñ tağın da arttırıluı öçen yasalaçaq adımnar qarap çığılaçaq.

Söyläşülär waqıtında ike yaqlı mönäsäbätlär belän bergä könüzäk, regional’ häm xalıqara täräqqiyätlär turında fiker alışu da küzdä totıla.