Törkiyä İlbaşı: “(AQŞtan) 1 milliard 400 meñ dollarıbıznı niçek kenä bulmasın alaçaqbız”

Ärdoğan Angola, Togo häm Nigeriya säfärennän qaytqan çaqta oçqıçta jurnalistlarğa bäyäläwlär yasadı, könüzäk mäs’älälärgä qağılışlı sorawlarğa cawap birde.

İlbaşı Ärdoğan “F-35”lär belän bäyle bularaq: "Xäzerge waqıtta tübän däräcädä söyläşülär alıp barıla. Ämma bez bu 1 milliard 400 million dollarıbıznı niçek kenä bulmasın barıber alaçaqbız. (30nçı-31nçe üktäbr’dä İtaliya başqalası) Rimdağı G20 (sammitında AQŞ İlbaşı Djo) Bayden belän söyläşäçäkbez. “Nişlibez, närsä bula” dip sorayaçaqbız. Törkiyä xoquqların bozuğa hiç forsat birmäyäçäkbez”, - dip belderde.

Ärdoğan ber jurnalistnıñ Süriyädä çik ar’yağı operaśiyase bulaçaqmı digän sorawğa isä: "Xäzerge waqıtta bezneñ töbäktä citdi mäğ’nädä sizger noqtalarğa operaśiyälärebez däwam itä. Qatğıy räweştä bernindi kompromiss yuq. Süriyädäge bu barışnı däwam itteräbez. Xäzerge waqıtta rejim nindi totışta bulır, anısın belmim, ämma bez bigräk tä İdlibtä zarur bulğannı yasarğa häm böten awır qorallarıbız belän bergä cawabın birergä däwam itäbez. Bu êşne üz ağımına qaldıra almıybız”, - dip cawap birde.

Könbatış Afrika turı qısalarında 17nçe üktäbr’dä başlatqan räsmi säyäxäten näticäle tämamlawların da belderüçe Ärdoğan bu räweşle bügengä qadär 30 ayırım Afrika ilenä 41 säfär yasawların citkerde.

Barı tik şuşı küreneşneñ dä xätta Törkiyäneñ Afrika qıytğası belän mönäsäbätlären üsterü qatğıylığınıñ anıq kürsätkeçe buluına basım yasawçı İlbaşı Ärdoğan bu säyäxättä Angola, Togo, Burkina Faso, Liberiya häm Nigeriya däwlät başlıqları belän ütkärgän söyläşüläre waqıtında ike yaqlı mönäsäbätlär belän regional’ mäs’älälärne kiñ qırlı itep tikşerülären belderde.