"Törkiyä-Afrika säwdä küläme 25,3 milliard dollarğa citte"

Tışqı iq’tisadi mönäsäbätlär şurası (DEİK) Törkiyä-Nigeriya êş şurası belän Nigeriya säwdä häm sänäğät palataları Federaśiyasınıñ xezmättäşlegendä Nigeriya başqalası Abujada Törkiyä-Nigeriya êş forumında oyıştırıldı.

Forumda Törkiyä säwdä ministrı Mäxmät Muş, Nigeriya säwdä, sänäğät häm kapital salu ministrı Otunba Niyi Adebayo, DEİK Tışqı iq’tisadi mönäsäbätlär şurası başlığı Nail Olpak belän bergä küp sanda êşmäkär qatnaştı.

Ministr Muş biredä yasağan çığışında Afrika qıytğası belän iq’tisadi êlemtälärneñ 2003nçe yılda "Afrika illäre belän säwdä häm iq’tisadi mönäsäbätlärneñ üsterelüe strategiyalarınıñ” ğamälgä kertelüennän birle tiz üseş aluın iskärtep uzıp: "2003nçe yılda Törkiyä-Afrika säwdä küläme 5 milliard 400 million dollar külämendä bulsa, 2020nçe yılda 25 milliard 300 million dollarğa citte”, - dip äytte.

Törkiyäneñ Afrikağa êksportınıñ 2 milliard dollardan 15 milliard dolalrğa citüen añlatuçı Muş importnıñ isä 3 milliard dollardan 10 milliard dollarğa kütärelüen belderde.

Ministr Muş Nigeriyanıñ Törkiyäneñ Afrika qıytğasındağı altınçı, Qara Afrika illäre arasında isä berençe zur säwdä urtağı buluın citkerde.