Ärdoğan Nigeriyada

Törkiyä ilbaşı Räcäp Tayyip Ärdoğan Afrika säfäreneñ 3nçe häm axırğı tuqtalışı Nigeriyada. Anı Abudja xalıqara aêroportında ilneñ tışqı êşlär ministrı Djeffri Oniyama, Federal’ başqala töbäge ministrı Möxämmät Musa Bello, Nigeriyanıñ Änkaradağı ilçese İsmail Yusuf Abba häm Törkiyäneñ Abudja ilçese Xidayät Bayraktar qarşı aldı.

Ärdoğan bügen räsmi oçraşuların da uzdıra. Anı Nigeriya ilbaşı Möxämmät Buxari qabul itäçäk. Alar üzara häm wäkilleklärara söyläşülär uzdıraçaq, kileşülärgä qul quyılaçaq. Soñınnan matbuğat cıyılışı kötelä.

İlbaşı Ärdoğan xörmätenä Nigeriya däwlät başlığı Buxari töşke aş mäclese oyıştıra.