Ärdoğan - Merkel' söyläşüe uzdı

Törkiyä ilbaşı Räcäp Tayyip Ärdoğan: “Germaniya belän 50 milliard dollarlık säwdä külämenä ireşergä telibez,” – dide.

Ärdoğan İstanbuldağı Xuber sarayında Germaniya Kanŝlerı Angela Merkel’ belän küreşep söyläşte.

Söyläşüdän soñ oyıştırılğan matbuğat oçraşuında ilbaşı tübändägeçä citkerde: “Xörmätle Merkel’ belän bügenge söyläşülärebezdä ike yaqlı mönäsäbätlärebez belän ber rättän kön tärtibebezdäge mäs’älälärne centekle räweştä qaradıq.

Germaniyadağı törek cämğıyäte ike il mönäsäbätläreneñ soŝial’ yağın barlıqqa kiterä. Rasaçılıq, İslam häm çit il keşelärenä doşmanlıq belän ayırıp qaraw qızğanıç Awrupadağı töreklärneñ probleması buludan tuqtamıy.

Xörmätle Merkel’ belän alıp barılğan näticäle êşçänleklärebezneñ yaña citäkçelek belän dä däwam itüen ömet itäm. Törkiyä bularaq Awrupa Berlegenä tulı äğzalek yulında Merkel’ kertkän öleşlärne härwaqıt xäterliyäçäkbez.

Qaçaqlar mäs’äläsenä kilgändä isä Törkiyä bu mäs’älädä qunaqxanä rolendä. Qaçaqlarnı çitläşterä almıybız bez Greŝiya kebek.”

Angela Merkel’ isä: “Qaçaqlar ağımına kirtä quyarğa tırışabız. Awrupa Berlege bu mäs’älädä Törkiyägä yärdäm kürsäergä tiyeş.

Xezmättäşlegebezgä ähämiyät birdek. Xörmätle Êrdoğan belän bergä Törkiyä küp närsä üste. Monı İstanbulğa qarap kürä alabız. Törkiyä NATO berlektäşe bularaq bezneñ öçen möhim partnyer. Härwaqıt urtaq mänfäğat’lärebez bar. Federal’ xökümät minnäñ soñ da mondıy qaraş cähate belän däwam itäçäk. Tınıçlıq häm iminlegebez ber-bersenä bäyle.

Germaniyada din irege bar. Bez İslamğa doşmanlıq häm rasaçılıq mäs’äläsendä bik täwäkkäl totış kürsätäbez. Biz başınnan uq bolarnı buldırmasqa tırışabız. Yähüd häm möselmananrğa qarata doşmanlıq problemalarında küñelsez waqıyğalar buldı. Monıñ öçen matdi häm ruxi barlıq mömkinleklär mobilizaŝiyalänä. Härwaqıt wazıyfa bulaçaq bezneñ öçen,” – dide.