Akar: “Urını häm waqıtı citkäç zarur bulğan başqarılaçaq”

Milli saqlanu ministrı Hulusi Akar Süriyäneñ tön’yağınnan yasalğan “PKK/YPG” separatist terror oyışması höcümnäre belän bäyle bularaq: "Xoquqlarıbıznı häm mänfäğätlärebezne saqlaw häm yaqlaw öçen başqarıluı zarur bulğannı, xörmätle İlbaşı Räcäp Tayyip Ärdoğan liderlığında bügengä qadär yasalğanı kebek, urını häm waqıtı citkäç şuşındıy uq räweşle yasalaçaq. Monnan berkemneñ dä şöbxäse bulmasın”, - dip äytte.

Akar Ğomum ştab başlığı, armiya generalı Yaşar Gülär, köç komandirları häm Milli saqlanu universitetınıñ idari häm xärbi citäkçelek kadrları belän bäyäläw cıyılışın ütkärde.

Cıyılışta çığış yasawçı Akar Ğıyraqnıñ häm Süriyäneñ tön’yağında, Ägäydä, Könçığış Urta diñgezdä häm Kiprda böten täräqqiyätlärne yaqınnan küzätep barularına basım yasadı.

"Asıl millätebezneñ xaq-xoquqınıñ härber öleşen saqlaw bezneñ burıçıbız”, - dip iskärtep uzuçı Akar bu ölkädä yasaluı zarur bulğannı bügengä çaqlı başqaruların häm yasarğa däwam itäçäklären äytte.

Soñğı waqıtta Süriyäneñ tön’yağınnan Törkiyägä yünälgän terror höcümnärenä tuqtalıp uzuçı Akar töbäktä teläsä qaysı räweşle terror koridorın buldıruğa röxsät birmäyäçäklären belderep: " Xoquqlarıbıznı häm mänfäğätlärebezne saqlaw häm yaqlaw öçen başqarıluı zarur bulğannı, xörmätle İlbaşı Räcäp Tayyip Ärdoğan liderlığında bügengä qadär yasalğanı kebek, urını häm waqıtı citkäç şuşındıy uq räweşle yasalaçaq. Monnan berkemneñ dä şöbxäse bulmasın”, - dip äytte.

Törkiyäneñ Könçığış Urta diñgezdä seysmik tikşerenü köymäläreneñ êşçänlegenä qağılışlı bularaq iğ’lan itkän NAVTEXlärgä (köymäçelärgä kisätügä) tuqtalıp uzuçı Akar: "Bezneñ diñgez wäqalät mäydannarıbızdan, başqa mäs’älälärdäge xaq-xoquqlardan, qızıqsınularıbızdan häm mänfäğätlärebezdän taşlama yasawıbız hiç mömkin tügel. Diñgez wäqalät mäydanıbıznı saqlaw öçen Diñgez köçlärebez daimi êşli”, - dip belderde.

Ministr Akar häm yanındağı komandirlar annan soñ, Küp millätle urtaq xärbi üzäkkä barıp, "Awraziya tınıçlığı 2021 xärbi künegüläre”n qaradı.