Törkiyä cibärgän vakśina häm daru Üzbäkstanğa barıp citte

Törek hawa yullarınıñ oçqıçı belän İstanbuldan Taşkentqa citkerelgän vakśinalarnı qabul itep aluda Üzbäkstan sälamätlek saqlaw ministrınıñ berençe urınbasarı Amrulla İnayatov, Êpidemiologiya, mullıq häm xalıq sälamätlege oyışması başlığı urınbasarı Batır Qorbanov belän Törkiyäneñ Taşkent tulı wäqalätle ilçese Olgan Bekar häm başqa räsmilär qatnaştı.

İlçe Bekar häm ilçelek xezmätkärläre tarafınnan qarşı alınğan oçqıçtan töşerelgän 200 meñ doza “Sinovak” vakśinası häm 20 meñ “Favipiravir” daruı Üzbäkstan sälamätlek saqlaw ministrlığı räsmilärenä tapşırıldı.

Qorbanov biredä yasağan çığışında, Törkiyä büläk itkän 200 meñ doza “Kovid-19” vakśinası häm 20 meñ darunıñ kizü belän köräşkä möhim öleş kertäçägen belderep, şuşı yärdäm öçen törek xalqına häm xökümätenä räxmätlären citkerde.

Tulı wäqalätle ilçe Bekar da bu yärdämneñ ike xalıq arasındağı ike yaqlı teläktäşlekneñ kürsärkeçe bularaq cibärelüen belderde.