“Törkiyä belän qanunsız möhacirlekkä qarşı xezmättäşlek arttırılaçaq”

Ylva Johansson başqala Änkarada Törkiyä êçke êşlär ministrı Söläyman Soylu belän ütkärgän söyläşüdän soñ Törkiyä säfärenä qağılışlı bularaq sośial’ mediada bäyäläwlär yasadı.

Ministr Soylu belän migraśiya häm iminlek mäs’älälärendä berençe Yuğarı däräcäle dialog cıyılışların uzdıruların äytep uzuçı Johansson migraśiya idaräse, keşe kontrabandası häm oyışqan cinayätçelekkä qarşı köräş, terror höcümnäreneñ totqarlanuı ölkäsendä Törkiyä belän Awrupa Berlege arasındağı xezmättäşlekneñ köçäytelüe cähätennän bu oçraşularnıñ möhim buluına basım yasadı.

Johansson, Törkiyäneñ iñ küp sıyınuçını qabul itkän il buluın xäterlätep:  “(Soylu belän) cıyılışta Äfğanstandağı wazğiyätkä bäyle bulğan sınawlar belän borçılu çığanağı bulğan häm barı tik bergä êşläp xäl itelä alınaçaq awırlıqlarnı qarap çıqtıq”, - dip äytte.

Awrupa Berlegenä baruçı tärtipsez migrantlarnıñ 90%ınıñ möhacir kontrabandaçıları tarafınnan cäberlänelüen iskärtep uzuçı Johansson: “Kontrabanda çeltärläreneñ kübese äf’yün häm qoral kontrabandaçılığın da yasıy. Awrupa Berlege häm Törkiyä şuşı çeltärlärne cimerü öçen xezmättäşlegen arttıraçak. Texnik söyläşülär minem Änkara säfäremnän soñ başlanaçaq”, - dip belderde.