AQŞ töreklärneñ qayğısın urtaqlaştı
Qayğı urtaqlaşunı AQŞ däwlät departamentı wäkile Ned Prays citkerde
Amerika Quşma Ştatları Süriyädä üterelgän ike törek poliśiyä xezmätkäreneñ ğailäseneñ qayğısın urtaqlaştı häm höcümne ğayepläde.
AQŞ däwlät departamentı wäkile Ned Prays köndälek matbuğat brifingında separatist terrorçı YPG/PKK oyışmasınıñ Törkiyägä qarşı höcümnäre xaqında söyläde. Ämma atamasın äytmiçä genä.
“NATO berlektäşebez Törkiyägä çik aşa yasalğan höcümnärne ğayeplibez. Süriyädä üterelgän ike törek poliśiyä xezmätkäreneñ ğailäseneñ qayğısın urtaqlaşabız,”-dide Ned Prays. Ul utnı tuqtatu kileşüendä bilgelängän cirleklärdä barlıq yaqlarnıñ da monı ütäwe, Süriyädä totrıqlılıqnı nığıtu häm säyäsi çişeleş öçen tırışu kiräklegenä basım yasadı.
“Törkiyä bezneñ ähämiyätle berlektäşebez häm terrorçılıq belän köräştän başlap Süriyädä bäreleşne beterügä qadär bik küp mäydanda urtaq mänfäğat’lärebez bar. Süriyä säyäsäte mäs’äläsendä Änkara belän yaqınnan êlemtädä torunı däwam itäçäkbez,”-dide AQŞ däwlät departamentı wäkile.
Bäyläneşle xäbärlär
Törkiyädä saylaw ütkärelä
Törkiyädä 31nçe mart yäkşämbe könne cirle xakimiyät citäkçeläre saylanaçaq
Törkiyädän Liviyägä oçqıç säfärläre başlandı
Törek hawa yulları (THY) qabat Liviyä başqalası Tripoligä oça başladı