Törkiyä İlbaşı: “Xalıqara cämäğätçelek äfğan xalqınnan çitläşä almıy”

İlbaşı Räcäp Tayyip Ärdoğan xalıqara cämäğätçelekneñ äfğan xalqınnan çitläşü, bu ilne üz yazmışına ğına qaldıru räxätlegeneñ bulmawın belderde

1718624
Törkiyä İlbaşı: “Xalıqara cämäğätçelek äfğan xalqınnan çitläşä almıy”

İlbaşı Ärdoğan Äfğanstan temalı "G20 çirattan tış liderlar sammitı”nda İstanbuldağı Vahdettin utarınnan video konferenśiya ısulı belän qatnaştı.

Äfğanstanda yaña säyäsi häm geopolitik çınbarlıqnıñ xasil buluın, ildä totrıqlılıqnıñ tiz arada urnaştırıluınıñ barı tik regional tügel, xalıqara külämdä dä kritik ähämiyätkä iyä buluın belderüçe Ärdoğan: ““Taliban”nı kiñ qolaçlı citäkçelek tözügä yünältergä tiyeşbez”, - dip äytte.

"Xalıqara cämğiyätneñ äfgän xalqınnan çitläşü, bu ilne üz yazmışı belän üzen qaldıru räxätlege yuq”, - dip fikeren citkerüçe Ärdoğan ildä arta barğan humanitar krizis arqasında äfğan xalqı belän köçle teläktäşlek kürsätüneñ zarurlığına basım yasadı.

Ärdoğan, “Törek Qızılay”ınıñ küptän tügel 33 tonna azıq-tölek yärdämen täêmin itüen xäterlätep: “Şuşı awır könnärdä äfğan xalqına qarata qardäşlek wazıyfabıznı ütäwebezne däwam itäçäkbez”, - dip äytte.

Äfğanstandağı täräqqiyätlärneñ migraśiya ağımı riskın arttıruına iğtibarnı yünältüçe İlbaşı: “Törkiyä Äfğanstanğa bäyle yaña migraśiya yöken kütärä almıy. G20 qarşında êş törkemen tözergä kiñäş itäm. Törkiyä bularaq bu törkemne citäklärgä dä telibez”, - dip belderde.

Ärdoğan Törkiyä duçar bulaçaq migraśiya basımınnan Awrupa illäreneñ dä täêsirlänüeneñ qotılğısız bulaçağın iskärtep uzdı.



Bäyläneşle xäbärlär