Ärdoğan: “Aldıbızdağı yılda milli êlektrlı lokomotivnı citeşterä başlıybız”

İlbaşı Ärdoğan İstanbul Atatörek hawa mäydanında 12nçe Transport häm êlemtä şurasında çığış yasadı.

Törkiyä bularaq transport häm êlemtä ölkäsendä soñğı 19 yılda 1 trillion lira investiśiyanı tormışqa aşırularına basım yasawçı Ärdoğan timer yulı investıśiyälären dä ähämiyät birgän tarmaq bularaq kürülären belderde.

Ärdoğan: “12 meñ 803 çaqrım timer yulı çeltärebezne tulısınça yañarttıq. Xäzerge liniyalardağı signallaştıruda möhim yul uzdıq. İlebezdä täwge tapqır yuğarı tizlekle poyezd liniyaların saldıq häm êşlätügä açtıq. Xäzerge waqıtta 3500 çaqrım ozınlıqtağı yaña timer yulınıñ tözelüe däwam itä”, - dip äytte.

Milli êlektrlı poyezd komplektın da qamilläşterülären citkerüçe Ärdoğan: “Aldıbızdağı yılda milli êlektr lokomotivıbıznıñ citeşterelüenä başlıybız. Metro, şähär-tirä häm tramvayda da êşlätelä alınaçaq däräcädä”, - dip belderde.

İl külämendä hawa mäydanı sanın 26dan 56ğa citkerülären belderüçe Ärdoğan: “Yaqınça 3 yıl xezmättä bulğan İstanbul aêroportıbız dönyanıñ iñ yaxşıları arasında 2nçe urında, Awrupada iñ tığız hawa mäydannarı isemlegendä berençe urında tora”, - dip iskärtep uzdı.

İlneñ tışqı säwdäse êçendä diñgez yulınıñ öleşen 4 märtäbä arttırularına basım yasawçı Ärdoğan köymä tözü tarmağında häm yaxta êşläp çığaruda da il bularaq möhim urınğa citülären belderde.

Xäbärläşü investiśiyälärendä dä zur adımnar yasawların belderüçe Ärdoğan: “Kiñ sızıqlı internettan fiber liniyalarğa qadär êlemtäneñ här ölkäsendä oyışmalarıbızğa häm xalqıbızğa bez birgän xezmätneñ standartın kütäräbez. 5G belän bergä kiläçäk texnologiyalarında milli häm cirle bulu külämen arttırırğa tırışabız. Waqıttan yağulıqqa qadär här mäs’älädä uñaylıq häm saqçıllıq täêmin itkän transport sistemaların tormışqa aşıruda bez täwäkkäl”, - dip äytte.