Angela Merkel' Törkiyägä kiläçäk

Germaniya Kanŝlerı Angela Merkel’ 16nçı oktäbr’dä Törkiyägä säfär yasayaçaq.

Alman xökümät süzçese Steffen Saybert başqala Berlinda açıqlaw yasap, Merkel’neñ 16nçı oktäbr’ könne İstanbulda Törkiyä ilbaşı Räcäp Tayyip Ärdoğan belän küreşep söyläşäçägen belderde.

“Törkiyä bezneñ öçen möhim häm yaqın partnyer. İllärebez şaqtıy yaqlap ber-bersenä bäyle. Germaniyada millionnarça keşe - çığışı belän Törkiyädän. Bezneñ öçen alman xökümäte bularaq Törkiyä belän yaqın, qoruçı häm ışanıç êçendä bergä êş başqaru bik möhim,” – dide ul.

Xökümät süzçese tübändägeçä däwam itte: “Törkiyäneñ geostrategik wazğıyäte yärdämendä bezne ber-berebezgä bäyläwçe törle xalıqara mäs’älälär bar. Törkiyä - NATO partnyerı. Törkiyä Süriyädän millionnarça keşene qabul itte.”