Ärdoğan Rusiyädäge söyläşülärne bäyäläde

İlbaşı Ärdoğan Rusiyä Däwlät başlığı Vladimir Putin belän Soçidä ütkärgän söyläşüdän soñ Törkiyägä qaytqan çaqta oçqıçta jurnalistlarnıñ sorawlarına cawap birde.

Putinnıñ çaqıruı belän Soçigä yasağan säfäre waqıtında häm ike yaqlı mönäsäbätlärne yañaça häm köçle itep tizlätü häm dä töbäktä yäşängän täräqqiyätlär mäs’äläsen söyläşülären citkerüçe Ärdoğan, Törkiyäneñ Süriyä mäs’äläsendä Rusiyä belän qararğa kilgän här ölkädä bäylelekneñ däwam itüen belderep, bolardan kire adım yasawnıñ mömkin bulmawın iskärtep uzdı.

Süriyäneñ İdlib töbägendä utnı tuqtatunıñ sawlıqlı räweştä däwam itelüeneñ, bigräk tä Törkiyädän qaytularnı tiz arttıracağın belderüçe Ärdoğan:

"400 meñe İdlib töbägendä buluı belän bergä ber millionnan kübräk keşe öylärenä, tuğan cirlärenä qayttı. Bu uñay alğarış. Bu sannı arttıru häm ilebezdä bez qunaq itkän süriyälelärneñ imin räweştä tuğan cirlärenä qaytuı öçen kiräkle êşçänlekne tuqtawsız däwam itteräbez”, - dip äytte.

İlbaşı Ärdoğan: "Minem bigräk tä östendä torğan başqa mäs’älä dä (separatist terror oyışması) “PKK/YPG”neñ Mäskäwdä buluı ide. Monı üzlärenä iskä töşerdem. Şuşındıy uq räweştä bu oyışma AQŞta da Aq Yortta qabul itelde. Biredä dä bolarğa iğ’tibar, qızğanıç, yuğarı däräcädä. Mäğlüm, amerikalı (Yaqın Könçığış häm Tön’yaq Afrika koordinatorı Brett) McGurk digän ber zat bar. Bu zat terror oyışmalarınıñ idaräsen başqara diyärlek. Bu zat “PKK/YPG/PYD”neñ äyterseñ idaräçese wazğiyätendä. Älbättä, minem bu süzlärem beräwlärne citdi mäğnädä tınıçsız itäçäk. Monı da beläbez. Ämma terror oyışmaları belän qulğa-qul totışıp anda yörüçe zat ul. Minem terrorçılar belän köräş alıp barğan töbäktä alar belän qulğa-qul totışıp yörüe mine citdi räweştä tınıçsız itä. Xäzerge waqıtta da anıñ bu terror oyışmaları belän bergä buluı anın poziśiyasın kürsätä. İrtäme-soñmı Amerika biredän çığarğa häm cirlär Süriyä xalqına qaldırılırğa tiyeş. Terrorçılıq belän köräş mäs’äläsenä qağılışlı teläktäşlegebezne tağın da arttırırğa kiräk”, - dip äytüen citkerde.