Ärdoğan: “Amerikalılar “Patriot”nı satqan bulsalar ide, “S-400”lärne alırğa mäcbür bulmas idek”

İlbaşı Räcäp Tayyip Ärdoğan Törkiyäneñ Rusiyädän S-400 hawa saqlanu sistemaların aluınıñ NATO ittifaqına zarar birüe tänqitläwlären kire qağıp: "Amerikalılar Törkiyägä “Patriot” raketa saqlanu sistemasın satqan bulsalar ide, “S-400”lärne alırğa mäcbür bulmas idek”, - dip äytte.

Amerikan “New York Times” (NYT) gazetı Berläşkän Millätlär Oyışması 76nçı general’ assambleyası atnasında Amerika Quşma Ştatlarınıñ N’yu-York qalasında bulğan İlbaşı Ärdoğan belän ütkärgän äñgämäneñ “S-400”'lär belän bäyle öleşen bastırdı.

Ärdoğannıñ kiçä Rusiyä İlbaşıVladimir Putin belän ütkärgän ike yaqlı söyläşü turındağı xäbärdä urnaştırılğan yazmağa kürä, Ärdoğannıñ, Rusiyäneñ qamilläşterelgän saqlanu sistemasın satıp alıp, Könbatışnıñ töp xärbi ittifaqı bulğan NATOğa zıyan kiterüenä qağılışlı tänqıyt’läwlärne kire qağuı citkerelde.

Xäbärgä kürä, İlbaşı Ärdoğan “New York Times” gazetına birgän äñgämäsendä häm NATO Ğomum särkätibe Yens Stoltenbergnıñ häm dä ul çaqtağı AQŞ İlbaşı Donal’d Trampnıñ Törkiyäneñ qoral belän täêmin itüçelärne saylap alu xoquqın raslawın xäterlätep: "Üz qorallarıbıznı alabız”, - dip belderde.

Ayıruça Ärdoğan: "Amerikalılar Törkiyägä “Patriot” raketa saqlanu sistemasın satqan bulsalar ide, bez “S-400”lärne alırğa mäcbür bulmas idek”, - dip äytte.

Törkiyäneñ “S-400”lärne aluı arqasında “Amerika Quşma Ştatları belän kilep çıqqan qarşılıqlarnıñ qıymmäte buldımı?” digän sorawğa isä Ärdoğan: "Minemçä, qıymmäte buldı. Saqlanuıbıznı telägän kebek köçäytä alabız”, - dip cawap birde.

İlbaşı Ärdoğan ayıruça, Törkiyä-AQŞ mönäsäbätläreneñ nigezdä ähämiyäten saqlap qaluına basım yasap: "Törkiyäneñ Amerika Quşma Ştatları belän ozaq yıllarğa barıp totaşqan bağlanışları bar. Monı saqlap qalıp köçäytüebez kiräk”, - dip äytte.