Şäntop törek cämğiyäte wäkillären qabul itte

Törkiyä Böyek Millät Mäclese Başlığı Mostafa Şäntop Parlamentlarara Berlekneñ (PAB) 5nçe Bötendönya parlament başlıqları konferenśiyasendä qatnaşu öçen kitkän Awstriya başqalası Venada törek cämğiyäte wäkilläre belän oçraştı.

Mostafa Şäntop oçraşuları qısalarında Törkiyäneñ Vena ilçelegendä yaqınça 1 yıl êlek Venadağı terror höcümendä yaralanuına qaramastan ber poliśiya xezmätkären qotqarğan Räcäp Tayyip Gültäkin belän Mikail Özänne qabul itte. Oçraşu waqıtında şuşı terror höcümendä yäşängän mizgellär söyläşelde.

Soñınnan Venadağı törek cämğiyäte wäkillären qabul itüçe Şäntop watandaşlar belän äñgämä qordı, istälekkä fotosürätkä töşte.

Şäntop annan soñ Törkiyäneñ BMO Vena ofisı qarşındağı daimi wäkile, tulı wäqalätle ilçe Äxmät Muhtar Gün oyıştırğan kiçke aş mäclesendä qatnaştı.