Amerikanıñ Äfğanstandağı taşlandıq bazasın töşerdelär

Törkiyä teleradiokompaniyäse AQŞnıñ  Äfğanstanda  iyül’ ayı başında ber töndä buşatqan Bagram aviabazasın töşerde. Ul başqala Qabuldan yaqınça 45 çaqrım yıraqlıqta. Bagram ildäge iñ zur xärbi baza sanala. Ul 20 yıl buyı AQŞ armiyäseneñ Äfğanstandağı komanda üzäge buldı.  Ğaskärlär kiteşli bazada distälärçä bronetexnika, boralaq häm xärbi kiräk-yaraq qaldırdı.

Törkiyä teleradiokompaniyäseneñ icat törkeme  zur qızıqsınu uyatuçı älege bazağa kerde häm AQŞ armiyäsennän qalğannarnı töşerde. Boralaqlar häm başqa bik küp cihaz watıq xäldä.

Älege bazada Amerika küzläw oyışması ŚRUnıñ da ştab-kvartirası urnaşqan bula. Xisaplarda bazada uzdırılğan azaplawlar da urın ala.

Törkiyä teleradiokompaniyäse monnan alda Bagram aviabazasındağı törmälärne kürsätkän ide.