Törkiyä vakśina qadawda - 7nçe

Sälamätlek saqlaw ministrı Fäxretdin Koca Törkiyäneñ qadalğan koronavirus vakśinası sanı buyınça dön’yada 7nçe buluın belderde.

Ul Twitterda bolay dip yazdı: “Bez tulayım doza sanı buyınça dön’yada 7nçe urında. Xalıq sanı Törkiyä belän ber ük bulğan vakśina çığaruçı Germaniyä 6nçı. Berençe urında baruçı däwlät – 1 milliard 400 million keşe yäşi torğan, şulay uq, vakśina çığaruçı Qıtay. Bik küp Awrupa ile anıñ belän ber ük tizlekkä ireşä almadı. Äydägez inde, kötäbez”.