Törkiyädä 7 töbäktä 20 noqtada yanğın däwam itä

Törkiyäneñ kön’yağı yanğınnar belän köräşä, utta 4 keşeneñ ğomere özelde.

Antaliyäneñ Manavgat rayonı, Adana, Osmaniyä, Märsin, Kayseri, Kütaxiya häm Muğlanıñ Marmaris, Milas häm Bodrum rayonnarında yanğınnar däwam itä.

Awıl xucalığı häm urman ministrı Bäkir Pakdemirli, tışqı êşlär ministrı Mäwlet Çavuşoğlu, tabiğat’ häm şähärçelek ministrı Murat Kurum Manavgat rayonındağı Urman yanğını idarä üzägendä jurnalistlarğa mäğ’lümat birde.

Ministr Pakdemirli 27nçe-28nçe iyül’dä Törkiyä külämendä 17 töbäktä 53 urman yanğını çığuın, 38eneñ kontrol’ astına alınuın belderde. Ul 4 keşeneñ ut êçendä hälaq buluın da citkerde.

Yanğın belän 3 oçqıç, 38 boralaq, 472 suğaruçı häm 4 meñ xezmätkär yärdämendä köräşälär.

“Yanğınnarnıñ säbäbe belän bäyle küp’yaqlı tikşerü xoquq saqlaw häm mäxkämä organnarı belän ütkärelä,”-dide ministr.