Ärdoğan Tön’yaq Kiprda yäş’lär belän oçraştı

İlbaşı Ärdoğan Tön’yaq Kipr Törek Cömhüriyätenä räsmi säfäre qısalarında Lefkoşadağı Böyek xanda yäş’lär belän oçraştı.

Ärdoğan çığışında yäş’lärneñ iman belän, täcribä belän, täwäkkällek belän, ênergiya häm qatğıylıq belän Törkiyäne häm Tön’yaq Kipr Törek Cömhüriyäten maqsatlarına ireşteräçäklären belderep:

"Küñel çiklärebez êçendäge Kiprda sez alıp barğan här köräştä kiçä niçek yanığızda bulsaq, bügen dä yanığızda bulaçaqbız, irtägä dä yanığızda bulaçaqbız. İnşallah bu köräştä bez kütärgän şuşı bayraq, sez üz östegezgä alğan çaqta näq’ zur häm köçle Törkiyä kebek, köçle Tön’yaq Kipr Törek Cömhüriyäteneñ tözelüen dä tämamlayaçaqsız”, - dip äytte.

Törkiyäneñ Kiprda berkemneñ xaq-xoquqında, milegendä, kiläçägendä mänfäğäte bulmawına basım yasawçı Ärdoğan:

"Bez barı tik üz xoquqlarıbıznı saqlıybız, üz kiläçägebezne tözibez. Daimi wäğ’dälären bozuçılarnı häm şuqlıq yasawçılarnı yaqlawçılar axır çiktä biredäge nıq torışnı küräçäk, qabul itäçäk, zarur bulğannı başqaraçaq. Menä şuşı köngä qadär xoquqlarıbıznı alu öçen härwaqt bergä tuqtamıyça êşläyäçäkbez, köräş alıp baraçaqbız”, - dip äytte.