Ärdoğan: “Ğayrätebez - Kipr törek däwläteneñ kiñ tanıluı”
Törkiyä İlbaşı: “Kipr törek däwläteneñ iñ qısqa waqıtta kiñ tanıluğa iyä buluı öçen härtörle ğayrätne kürsätäçäkbez”
İlbaşı Räcäp Tayyip Ärdoğan Ğomum başlığı bulğan “Ğadälät häm qalqınu” partiyası oyışmaları belän video konferenśiya aşa bäyrämläşü programmasında çığış yasadı.
Çığışında Kipr mäs’äläsenä tuqtalıp uzğan Ärdoğan: "Kiçä häm annan aldağı könne (19-20 iyül’) Kiprdağı programmabız şaqtıy yaqtan möhim ide. Monnan arı Kipr törekläreneñ xalıqara söyläşülärdä östäldäge berdänber taläbe möstäqil däwlät statusınıñ tanıluı. Monıñ tışındağı böten täq’dimnärneñ waqıtı bette”, - dip äytte.
"Kıb Kipr törek däwläteneñ iñ qısqa waqıtta kiñ tanıluğa iyä buluı öçen härtörle ğayrätne kürsätäçäkbez", - dip belderüçe Ärdoğan: "Utrawdağı 2 könlek oçraşularıbız waqıtında Kipr qardäşlärebezne bu mäs’älädä täwäkkäl kürdek”, - dip äytte.
Ärdoğan yaña tör koronavirus (Kovid-19) kizüe törle illärdä yaña variantlar belän kübäyä başlasa da, Törkiyädä älegä bu qurqınıçnıñ bulmawın citkerde.
Ärdoğan ayıruça: "Yäş’lärebez belän bergä ilebezneñ keşe çığanağın iñ näticäle räweştä bäyäläw öçen böten oyışmalarıbız belän tığız ğayrät êçendä bez”, - dip äytte.
