"Qardäşlegebezne tağın ber qat iğlan itäbez"

Törkiyä ilbaşı Räcäp Tayyip Ärdoğan Tön’yaq Kipr Törek Cömhüriyätendä Kipr Tınıçlıq xäräkäteneñ 47 yıllığı uñayınnan Cömhüriyät Mäcleseneñ maxsus utırışında xalıq ışanıçlılarına möräcäğat’ itte.

“Bügen Törkiyä belän Tön’yaq Kipr Törek Cömhüriyäte arasındağı köçen şähitlärebezneñ qannarınnan aluçı ğomerlek qardäşlegebezne bar dön’yağa teläsälär dä, telämäsälär dä tağın ber tapqır iğlan itäbez.

Kipr däğwası - tarixı, vöcdanı, köräşe belän 1974tä yazılğan qaharmanlıq dastanı belän ber millät däğwasıdır. Kipr däğwası şähitlärebezneke, ğazıylarıbıznıqıdır. Tön’yaq Kipr Törek Cömhüriyäteneñ berlege häm berdäm buluı härtörle säyäsi töşençädä.

Bezneñ berlegebez, berdämlegebez, qardäşlegebez Amerika Quşma Ştatlarında beräwlärne tınıçsız itsä dä, bez bu yuldan baraçaqbız. Tarixtağı açı täcribälär Grek tarafınıñ partnyerlık däwläte qorırğa niyätlämäwen härkemgä ap-açıq kürsätte.

Grek tarafınıñ Kipr söyläşülärendäge totışına ışanuıbız tağın 50 yıl waqıt yuğaltu digän süz. Taşlama birmibez, birä almıybız,” – dide ul.

Törkiyä ilbaşı söyeneçle xäbär bulğan Tön’yaq Kipr Törek Cömhüriyäte İlbaşı Rezidenŝiyase belän bäyle proyekt êşçänlekläreneñ tögällänüen häm ozaqlamıy tözelä başlanaçağın belderde.