Senegal xärbiläre törekçä diplomların aldı
Senegal başqalası Dakarda urnaşqan Cap Manuel kazarmasındağı Yunıs Ämrä institutına bäyle Törekçä öyrätü üzäge öçençe çığarılışın birde.
Kazarmada oyıştırılğan öçençe çor törek tele kursın yomğaqlaw häm çığarılış tantanasında Törkiyäneñ Dakar ilçese Äxmät Kavas, Törkiyäneñ Dakar xärbi attaşesı polkovnik Levent Güldağı, Dakar Yunıs Ämrä insitutı mödire Märvä Işık Älsıkma, Senegal xärbi öyrätü bülege mödire polkovnik Yahya Diop häm törek oyışmalarınıñ wäkilläre qatnaştı.
Tulı wäqalätle ilçe Kavas biredä yasağan çığışında, Törkiyäneñ Afrikada 43 ilçelegeneñ buluın xäterlätep, Törkiyäneñ qıytğa belän xezmättäşlegeneñ här uzğan kön artuın äytte.
Bu xezmättäşlekneñ barı tik säwdä tarmağında ğına tügel, mädäniyät ölkäsendä dä alğa taba baruına basım yasawçı Kavas, Yunıs Ämrä institutınıñ moña iñ matur ürnäk buluın belderep, diplomnarın alğan xärbilärne täbrik itte.
2020nçe yılnıñ üktäbr’ ayında başlanğan 9 aylıq törekçä kursın uñışlı tämamlağan 25 ğaskäri diplomların institut uqıtuçısı İmran İpäkneñ qulınnan aldı.
Uquçılar, İpäkkä räxmätlären citkerep, büläklären täq’dim itte.
