"Kanal İstanbul"nıñ berençe küperenä nigez salındı

Bügen ilbaşı Ärdoğan qatnaşında küpergä nigez salu tantanası uzdı

1665267
"Kanal İstanbul"nıñ berençe küperenä nigez salındı
erdogan kanal istanbul.jpg
kanal istanbul sazlidere koprusu.jpg

İlbaşı Räcäp Tayyip Ärdoğan Törkiyäneñ üseş tarixında bügen yaña säxifä açıluın belderde. Ul “Kanal İstanbul” proyektındağı Sazlıdärä küperenä nigez salu tantanasında çığış yasadı. Ärdoğan millätneñ köçäyüe yulında yasalğan adımnarğa yañasın östäwlären äytte.

İlbaşı üz çığışında Bosfor buğazınıñ dön’yadağı iñ tığız köymä trafiklarınnan bersenä iyä buluın belderde. Ul annan 1930nçı yıllarda yılda urtaça 3 meñ korabnıñ kiçüen, bügen isä bu kürsätkeçneñ 45 meñgä citüen belderde.

“Neft’tän başlap organik tovarlarğa qadär bik küp törle yöklär taşuçı köymälär hälakätkä oçrasa, tabiğıy tormışqa zur yanaw bulaçaq,”-dide ilbaşı. Ul “Kanal İstanbul” proyektı belän Bosfor buğazı häm anıñ tiräsendä yäşäwçe watandaşlarnıñ tormış häm mölkät iminlegen täêmin itärgä uylawların belderde. Ärdoğan bu kanalğa İstanbulnıñ kiläçägen qotqaru proyektı bularaq qarawların da östäde. Uzdırılğan êşçänleklär “Kanal İstanbul”dağı köymä trafiğınıñ buğazdağıdan 13 tapqır qurqınıçsızraq bulaçağın kürsätkän.  Ärdoğan 45 çaqrım ozınlıqtağı kanaldan 275 metr ozınlıqqa qadärge neft’ tankerları häm 351 metrlı konteyner köymäläre uza alaçağın citkerde.

“Kanal İstanbul”nıñ östendä 6 küper tözeläçäk. Ärdoğan anıñ dön’yadağı iñ êkologik proyekt bularaq tormışqa aşırılaçağın assızıqladı.

Proyekt öçen yaqınça 15 milliard dollar totılaçaq. Tözeleşne 6 yıl êçendä tögällärgä uylıylar.



Bäyläneşle xäbärlär