TURKOVAK koronavirusnıñ Alfa variantına qarşı täêsirle

Törkiyäneñ koronavirus vakśinası TURKOVAK Angiyä variantı bularaq bilgele Alfa virusına qarşı da täêsirle. Xaywannarda uzdırılğan test uñay näticälär birde.

Küptän tügel 3nçe faza täcribäläre êtabına kergän TURKOVAK belän bäyle söyençene Kayserinıñ Ärciyäs universitetı rektorı, professor Mostafa Çalış citkerde.

Ul tıçqannarda Angliyä variantı belän bäyle êşçänlek uzdırıluın belderde.

“Bezneñ vakśinabız TURKOVAKnıñ Angliyä variantına xaywan täcribälärendä bik täêsirle buluın kürdek. Monıñ söyençesen belderergä telädem,”-dide Mostafa Çalış.

TURKOVAKnıñ başqa variantlarğa qarata täêsirlelegenä kilgändä,  professor ğomumän alğanda ğalimnärneñ inaktiv vakśinalarnıñ bik küp variantqa qarata êffektiv bulaçağın belderüen telgä aldı.

“Tizräk TURKOVAKnıñ böten ilebezdä häm böten dön’yada qullanılır xälgä kilüen kürergä telibez. Monı sabırsızlıq belän kötäbez,”-dip söyli ul.

TURKOVAKnıñ 3nçe faza êşçänlege üzläre teläk belderüçe keşelärdä sınaw belän däwam itä. Bu prośess uñışlı tögällänsä, vakśina aşığıç qullanu röxsäte belän millionnarğa şifa kiteräçäk.