Röstäm Miñnexanovnı Törkiyä Böyek Millät mäclesendä qabul ittelär

Törkiyä Böyek Millät mäclese räise Mostafa Şäntop Tatarstan ilbaşı Röstäm Miñnexanov belän oçraştı. Parlament spikerı üz çığışında ike aradağı tirän tarixi, mädäni häm iq’tisadi bäyläneşlär xaqında xäterlätte. “Tatarstannıñ xozurı, üseşe häm totrıqlılığı öçen bergä êşläwebezdän bez qanäğat’,”-dide ul.

Şäntop 11nçe mayda Qazanda mäktäpkä höcümdä uquçı häm uqıtuçılarnıñ ğomere özelüen häm yaralılar buluın borçılıp küzätüen belderde häm bu nisbättän Tatarstan xalqınıñ qayğısın urtaqlaştı, yaralanuçılarğa şifalar teläde.

Şäntop Törkiyädä Tatarstan bazarı belän qızıqsınunıñ däwam itüen äytte, Rusiyägä yasalğan investiśiyälärneñ dürttän bereneñ Tatarstanda buluına iğ’tibarnı cälep itte. “Awır häm çeterekle waqıytlarda da törek êşmäkärlärenä kürsätkän teläktäşlegegez häm ışanıç härwaqıt istä qalaçaq,”-dide Böyek Millät Mäclese räise.

“Törkiyä häm qardäş törek xalqı belän yuğarı däräcädäge mönäsäbätlärebez bezne söyenderä,”-dide Miñnexanov ta. Ul parlamentlararası mönäsäbätlärneñ arttırıluınıñ ähämiyäten dä assızıqladı. Miñnexanov tizdän Tatarstan Däwlät şurası wäkilläreneñ Törkiyägä säfär yasayaçağın, Törkiyä Böyek Millät mäclese delegaśiyäsen dä Tatarstanda qunaq itärgä teläwlären citkerde.