Törkiyä - İspaniya arasında videolı konferenŝiya

Törkiyä belän İspaniya arasındağı ike yaqlı mäs’älälär häm Awrupa Berlege kiñäşmäläre bügen videolı konferenŝiyada qaralaçaq.

Tışqı êşlär ministrlığınnan videolı konferenŝiya belän bäyle yasalğan yazma açıqlawda Törkiyä belän İspaniya arasındağı videokonferenŝiyaneñ ministr yärdämçese häm Awrupa Berlege başlığı, ilçe Faruk Kaymakçı belän İspaniyaneñ Tışqı êşlär, Awrupa Berlege häm xezmättäşlek ministrlığı däwlät särqätibe Xuan Gonzalez Barba räislegendä uzaçağı belderelde.

Açıqlawda kiñäşmälär waqıtında “Törkiyä-İspaniya 7nçe Xökümätlärara oçraşu” äzerlekläreneñ häm ike yaqlı mönäsäbätlärneñ bar yaqlap quzğatıluı belän ber rättän Törkiyä-Awrupa Berlege mönäsäbätläre qısalarında fiker alışunıñ küzdä totıluı assızıqlandı.