İlbaşı yäş’lär belän oçraştı

 Törkiyä ilbaşı Räcäp Tayyip Ärdoğan Ätilär köne uňayınan “Ğadälät häm qalqınu” partiyäseneň yäş’lär filialı tarafınnan oyıştırılğan onlayn çarada 82 vilayät’tän yäş’lär belän oçraştı.

İlbaşı äytüençä, Kovid -19 êpidemiyäse başlanğanan birle Törkiyä sälamätlek saqlaw xezmätennän alıp cämğıyät ’ qurqınıçsızlığına qadär här mäs’älädä başqa illärdän alda bara.

Ul Törkiyäneň koronavirusqa qarşı tiz vakśinaśiyäläw programması alıp baruına basım yasap bolay dide: “Vakśina belän täêmin itü bik awır bulğan däwerdä waqıtında tormışqa aşırılğan bäyläneşlär yärdämendä tiz räweştä vakśinaśiyäläw alıp barabız. Xäzerge wäzğıyät’ bik yaxşı . Tizdän bu bälanı ciňärbez dip ışanam”.

Törkiyä ilbaşı cirle vakśina êşçänlekläreneň dä däwam itüen , sentyabr’ - oktyabr’ aylarında citeşterügä kereşüne maqsat itep quyuların belderde.

Ärdoğan xäzerge waqıtta 40 million Kovid-19 privivkası yasaluın , monıň yaxşı kürsätkeç buluın assızıqladı.