Çavuşoğlu: “Problemalarğa dialog yulı belän çişeleş êzlänä”

Bıyıl Törkiyäneñ çirattağı räislegendä uzdırıluçı Kön’yaq-könçığış Awrupa xezmättäşlek barışı Mäwlüt Çavuşoğlunıñ alıp baruında Tışqı êşlär ministrları cıyılışı belän Antaliyada başlandı.

Çavuşoğlu cıyılışnıñ açılışında yasağan çığışında bıyıl ber ük waqıtta Kön’yaq-könçığış Awrupa xezmättäşlek barışınıñ 25 yıllığın qotlawların belderep: "Bügen inde problemalarğa dialog yulı belän çişeleş êzläwçe Kön’yaq-könçığış Awrupa bar. Töbäkneñ iñ kiñ qolaçlı forumı bulğan Kön’yaq Könçığış Awrupa xezmättäşlek barışı iñ awır waqıtlarda da xätta töbäk illären cıya alğan platforma buldı”, - dip äytte.

Çavuşoğlu Törkiyäneñ öçençe tapqır üz östenä alğan çirattağı räislege waqıtında 40tan kübräk çara oyıştırıluın, bolardan Diaspora häm yäş’lek forumnarınıñ berençe tapqır ütkärelüen belderde.

Çavuşoğlu 2030 Strategiya dokumentınıñ äzerlänüeneñ dä möhim adım buluına basım yasadı.

Töbäkneñ Awrupa-Atlantik oyışması belän bötenläşügä birgän ähämiyätkä här forsatta basım yasawların iskärtep uzuçı Çavuşoğlu: " Kön’yaq Könçığış Awrupa xezmättäşlek barışı äğ’zaläreneñ Awrupa Berlege äğ’zalek perspektivalarınıñ köçäyüe urtaq maqsatıbız. Awrupa Berlege barı tik Kön’yaq-könçığış Awrupa illäreneñ barısı da äğ’za bulğan oçraqta ğına global’ aktyorğa äylänäçäk”, - dip äytte.

Törkiyäneñ çirattağı räislege waqıtında kürsätkän yaqlaw öçen räxmät äytüçe Çavuşoğlu monnan soñğı çirattağı räis Greśiyağa uñışlar teläde häm üzlärenä härtörle yärdäm kürsätäçäklären belderde.

Çavuşoğlu 2022-2023 çirattağı räislegen üz östenä alunı qabul itkän Çernogor’ye-Montenegroğa da räxmätlären citkerde.