Ärdoğan: “Strategiya dokumentı totrıqlı iq’tisadi üseşkä yärdäm itäçäk”
İlbaşı Räcäp Tayyip Ärdoğan: "Kön’yaq-könçığış Awrupa 2030 Strategiya dokumentınıñ totrıqlı iq’tisadi üseş maqsatıbızğa ireşüebezgä yärdäm itäçägenä ışanam”, - dip äytte
Ärdoğan Antaliyada “Kön’yaq-könçığış Awrupa illäre xezmättäşlek barışı sammitı”nnan soñ matbuğat oçraşuın oyıştırdı.
İlbaşı Ärdoğan cıyılışta Törkiyäneñ töbäk totrıqlılığına häm mullığına birgän ähämiyätne iskärtep uzuların citkerep:
"Töbäkneñ yarası bulğan baş miye migraśiyası belän bergä ğadälät, awıl xucalığı säyäsäte, mäğarif, afätlär belän köräş kebek mäs’älälärdä urtaq çişeleşlärne êşlärgä tırıştıq. İllär arasındağı ayırmalılıqlarnıñ êşçänlekkä tiskäre yoğıntı yasamawı öçen bik iğ’tibarlı xäräkät ittek.
Törkiyäneñ Awrupa Berlegenä kerüe barışınıñ tizländerelüe berlekkä global’ külämdä fayda täêmin itäçäk. Kön’yaq-könçığış Awrupa 2030 strategiya dokumentınıñ totrıqlı iq’tisadi üseş maqsatıbızğa ireşüebezgä yärdäm itäçägenä ışanam", - dip äytte.
Räcäp Tayyip Ärdoğan töbäktäge säyäsi problemalarnıñ xäl itelüe öçen dialogtan başqa çişeleş yulınıñ bulmawın da iskärtep uzdı.
