“Törkiyä Azärbaycanğa härtörle öleş kertüne däwam itäçäk”

İlbaşı Ärdoğan 28 yıldan soñ Ärmänstan okkupaśiyäsennän azat itelgän Tawlı Qarabaxnıñ simvol şähäre Şuşada Aliyev tarafınnan räsmi tantana belän qarşı alındı.

Şuşa gubernatorlığındağı qarşı alu tantanasınnan soñ Aliyev häm Ärdoğan qara-qarşı söyläşte.

Söyläşüdän soñ Ärdoğan häm Aliyev ike il arasında "Şuşa bäyannamäse"nä qul quydı.

İlbaşı Ärdoğan oyıştırılğan urtaq matbuğat oçraşuında "Şuşa bäyannamäse" belän ike il mönäsäbätläreneñ yaña çordağı yul kartasın bilgeläwlären belderde.

44 könlek suğıştan soñ (10nçı noyabr’dä) Qarabaxnıñ üz xucalarına küçüen häm ärmän yawınnan azat itelüen iskärtep uzuçı Ärdoğan: "Azärbaycan xalqınıñ Qarabax ciñüen tağın ber qat täbrik itam”, - dip äytte.

Ärdoğan Törkiyä bularaq bäysezlek köräşendä bulğanı kebek yañadan tözekländerü êşçänlegendä dä Azärbaycanğa härtörle öleş kertüne däwam itäçäklären belderde.

Yuğarı däräcäle strategik xezmättäşlek cıyılışın aldıbızdağı aylarda Törkiyädä ütkäräçäklären belderüçe Ärdoğan 1nçe aprel’dä başlatılğan tanıqlıq (êçke pasport) belän säyäxätneñ, ike yaqlı êlemtälärne ciñeläytep, ike ilne ber-bersenä tağın da yaqınaytaçağın iskärtep uzdı.

Ärdoğan Törkiyä bularaq borınğı şähär Şuşada iñ qısqa waqıtta baş konsullıq açunı planlaştıruların da citkerde.

Azärbaycan İlbaşı Aliyev ta Şuşa bäyannamäseneñ ike il arasında kiläçäk xezmättäşlegeneñ ışanıçı buluına basım yasadı.

Qarabax suğışına başlanğan könnän bügengä çaqlı İlbaşı Ärdoğannıñ Azärbaycanğa anıq häm açıq yärdämen iğ’lan itüen xäterlätüçe Aliyev: "Bez suğış waqıtında törek xalqınıñ teläktäşlegen kürdek. Törkiyäneñ kürsätkän yärdämen berqayçan da onıtmayaçaqbız”, - dip äytte.

Aliyev Törkiyä belän Azärbaycan arasında imzalanğan "Berlektäşlek kileşüe”ndä 100 yıl êlek qul quyılğan Kars kileşüeneñ telgä alınuın iskärtep uzdı.