Törek korabı qotqarğan qaçaqlar Mal'tada

Marşall utrawları bayraqlı törek säwdä köymäse tarafınnan Urta diñgezdä qotqarılğan yaqınça 100 qaçaqqa Mal’ta qapqaların açtı.

Diplomatik çığanaqlardan alınğan mäğ’lümatlarğa qarağanda, Urta diñgezdä köymäläre batıp baruçı möhacirlärne 12nçe iyün’dä qotqaralar. Törek köymäsen qaza urınına Mal’ta dairäläre yünältä. Çönki cirlek älege däwlätneñ êzläw-qotqaru töbägenä kerä.

Qotqarılğan qaçaqlar öçen Törkiyä belän Mal’ta arasında tığız diplomatik söyläşülär bula. Näticädä törek korabına alınğan migrantlarnı Mal’tağa iltep tapşıralar.