Makron: “Bez Ärdoğan belän söyläşüne däwam itärgä tiyeş”
Franśiya İlbaşı Êmmanuêl Makron İlbaşı Räcäp Tayyip Ärdoğan belän fiker ayırımlılıqları bulsa da söyläşüläre häm monı däwam itüeneñ zarurlığın äytte
Êmmanuêl Makron başqala Parijdağı Êlisey sarayında oyıştırğan matbuğat oçraşuında (14nçe iyün’dä Bel’giya başqalası Bryussel’däge) NATO sammitı qısalarında üzeneñ häm İlbaşı Ärdoğannıñ söyläşü ütkärergä teläwen citkerde.
Monıñ yaxşı närsä buluına basım yasawçı Makron: "Ber-berebezne kürergä ixtıyacıbız bar”, - dip äytte.
Ärdoğan belän tirän fiker qarşılıqlarınıñ buluın iskärtep uzuçı Makron: "Fiker ayırımlılıqları bulsa da ber-berebez belän söyläşergä tiyeş bez häm söyläşergä däwam itärgä kiräk”, - dip belderde.
Makron İlbaşı Ärdoğan belän NATO, Süriyä, Liviya, Tawlı Qarabax häm Franśiyanıñ "radikalizm belän” köräşen söyläşergä teläwen iskärtep uzdı.
Ärdoğanğa "radikalizm belän" köräşneñ hiçber şäkeldä İslam dinen maqsat itep almawın añlataçağın citkerüçe Makron Ärdoğan belän urnaştırıla alınaçaq xezmättäşlek ölkälären dä söyläşäçägen äytte.
