81 vilayättä Törkiyä gimnı yañğıradı

19nçı may Atatörekne iskä alu, Yäş’lär häm sport bäyräme bıyıl maxsus oyıştırılğan räsmi tantanalardan tış kübräk internet moxitında qotlandı.

Berençe tantana başqalada Anıtkäberdä ütkärelde.

Yäş’lär häm sport ministrı Mäxmät Möxärräm Kasapoğlu häm yanındağı wäkillek Atatörek mavzoleyına barıp çäçäk bäylämnären saldı. Ber minutlıq tın alu häm gimnı başqarudan soñ ministr Kasapoğlu, Misak-ı Milli manarasına barıp, Anıtkäber maxsus däftären imzaladı.

Tantanadan soñ ministr Kasapoğlu Sänäğät häm texnologiya ministrı Mustafa Varank qatnaşqan “DIGIAGE” uyın sśenariyen qamilläşterü lagerına onlayn totaşıp, yäş’lär belän söyläşte.

İlbaşı urınbasarı Fuat Oktay häm Milli mäğarif ministrı Ziya Sälçuk ta onlayn bularaq 81 vilayättän liśey uquçıları belän oçraştı.

Säyäsi partiya räsmi zatları da Anıtkäberne ziyarät qıldı.

Säğät 19:19da isä böten şähärlärdä öylärneñ balkonnarı häm täräzäläre belän stadionnarda Törkiyäneñ milli gimnı yañğıradı.

İlbaşı Ärdoğan böten ildä ber ük waqıtta başqarılğan milli gimn Bäysezlek marşına quşıldı.

Törkiyäneñ şaqtıy urınında koronavirustan saqlanu şartlarına yaraşlı räweştä yögerülär, maşina konvoyları, konśertlar, tawış häm ut tamaşaları kebek çaralar oyıştırıldı.