İzrailneñ Ğazzägä höcümnärenä Törkiyädän reakśiyälär
Törkiyä räsmiläre İzrailneñ Ğazzägä höcümnärenä häm basıp aluçı totışına reakśiya belderde
Törkiyä ilbaşı idaräseneñ êlemtä bülege başlığı Fäxrettin Altun İzrail armiyäseneñ qamaw astındağı Ğazzä sızığına ciröste operaśiyäse başlatuı belän bäyle bolay dip belderde: “İzrail küpläp üterü häm terror ğamälläre başqaruın däwam itä. Basıp aluçı İzrail yıllar däwamında qanunsız räweştä keşe xoquqların ayaqlar astına salıp taptap qamaw astında totqan Ğazzägä xäzer ciröste operaśiyäse başlata. Fälästin öçen här xalıqara platformada köräşüne däwam itäçäkbez. İzrailneñ qanunsız totışın tuqtatu öçen kiräk bulğannı êşläyäçäkbez.Bezneñ köräş Fälästin tulısınça azat itelgänçe däwam itäçäk. Bu qanunsızlıq häm basıp alu iñ qısqa waqıtta betärgä tiyeş”.
Törkiyä ilbaşı idaräse süzçese İbrahim Qalın bu xaqta tvitter akkauntında bolay dip yazdı:” İzrailneñ höcümnäre – yaña üterülärneñ xäbärçese. Bez böten dönyanı İzrailneñ zakonsız häm basıp aluçı totışı öçen cawaplılıqqa çaqırabız. Törkiyä härwaqıt Fälästin xalqınıñ yanında bulaçaq”.
Bäyläneşle xäbärlär
Törkiyädä saylaw ütkärelä
Törkiyädä 31nçe mart yäkşämbe könne cirle xakimiyät citäkçeläre saylanaçaq
Törkiyädän Liviyägä oçqıç säfärläre başlandı
Törek hawa yulları (THY) qabat Liviyä başqalası Tripoligä oça başladı