Ärdoğan Fälästin belän êlemtägä kerde
Ul ilneñ citäkçeläre belän telefonnan söyläşte
Törkiyä ilbaşı Räcäp Tayyip Ärdoğan Fälästin däwlät başlığı Mäxmüt Abbas häm Xamas säyäsi byurosı räise İsmail Xäniyyä belän telefonnan söyläśte. Anda İzrailneñ Äl-Aksa mäçetenä häm fälästinlelärgä höcümnäre xaqında süz bardı.
Ärdoğan söyläşülärdä İzrailneñ Qudüs-Yerusalimdağı höcümnären “terrorçılıq” bularaq sıyfatladı, barı möselmannarnıñ tügel, barlıq keşelekneñ vöcdanına yara saluçı bu äxlaqsız höcümnärne häm fälästinlelär duçar bulğan zolımnarnı iñ kisken räweştä ğayepläwen belderde.
İlbaşı Ärdoğan İzrailneñ terrorın häm basıp aluın tuqtatu öçen İslam dön’yasınnan başlap böten keşelekne xäräkät itterü öçen qullarınnan kilgänne êşläyäçäklären assızıqladı. Ul Törkiyäneñ härwaqıt Fälästin mäs’äläsendä teläktäşlek kürsätäçägen, fälästinle qardäşlärneñ yanında toraçağın häm Qudüsneñ qıymmäten saqlawnı däwam itäçägen belderde
Bäyläneşle xäbärlär
Ber atna êçendä 38 terrorçı täêsirsez xälgä kiterelde
Bu xaqta Törkiyä milli saqlanu ministrlığınıñ matbuğat cıyılışında citkerdelär