Чaвушoглу Caрaeвo-Бoсниядa

Çavuşoğlu, Kovaçi şähitlär ziratın ziyaret qılıp, ilneñ berençe İlbaşı märxüm Aliya İzzetbegoviç qaberenä çäçäk bäylämnären saldı.

Başçarşını gizüçe Çavuşoğlu biredä Törkiyäneñ TRT teleradiokompaniyasınıñ reyting rekordların quyğan “Tereleş Ärtuğrul” serialında İslamnı saylağan täre yawçısı ğaskäriyen uynağan häm “TRT dokumental’ fil’m” kanalında "Ğailäneñ yaña äğ’zase” tapşıruın alıp baruçı Reshad Strik belän äñgämä qorıp cibärde.

Çavuşoğlu soñınnan tarixi Gazi Hüsrev Bäy mäçeteneñ işegaldında urnaşqan Gazi Hüsrev Bäy törbäsendä doğa qıldı.

Gazi Hüsrev Bäy mäçete baş imamı Mänsur Malkictän mäğ’lümat alğan Çavuşoğlu Sloveniya möftiye Nedzad Grabusnıñ sälamnären citkerde.

Malkic ta, Gazi Hüsrev Bäyneñ Sarayevo-Bosniyağa kilüeneñ 500 yıllığın iskä aluların äytep uzıp, ul qaldırğan äsärlärneñ bügengä çaqlı saqlanıp qaluın belderde.

Çavuşoğlu Bosniya-Hersegovina tışqı êşlär ministrı Bisera Turkovic oyıştırğan iftar mäclesendä qatnaştı.