Çavuşoğlunıñ Sloveniya oçraşuları

Törkiyä Tışqı êşlär ministrı Mäwlüt Çavuşoğlu räsmi oçraşular ütkärü öçen kitkän Sloveniyada wazıyfadaşı Anze Logar belän küreşep söyläşte

1633836
Çavuşoğlunıñ Sloveniya oçraşuları

Mäwlüt Çavuşoğlu Awrupa Berlegeneñ çirattağı räis wazıyfasın üz östenä alaçaq Sloveniyada oçraşular ütkärä.

Başqala Ljubljanada ministr Çavuşoğlu Sloveniyalı wazıyfadaşı Dr. Anze Logar belän küreşep söyläşte.

Çavuşoğlu oçraşuları qısalarında İslam cämğiyäte başlığı möfti Nädzad Grabus belän dä küreşte.

Sośial’ media akkauntınnan Grabus belän oçraşuına qağılışlı yazmasında Çavuşoğlu: "Lübliyanadağı berençe mäçet tözeleşe häm İslam mädäniyät üzägeneñ xezmätkä kerüe uñayınnan täbrikläwlärebezne citkerdek”, - dip äytte.

Çavuşoğlu wazıyfasınnan kitäçäk möfti Grabusqa liderlığı häm xezmätläre öçen räxmätlären citkerde.

Ministr Çavuşoğlunıñ Sloveniya oçraşuları qısalarında İlbaşı Borut Pahor häm Baş ministr Janez Jansa tarafınnan da qabul itelüe kötelä.

Söyläşülärdä Sloveniya-Törkiyä mönäsäbätläreneñ böten yaqları belän ber rättän Törkiyäneñ Awrupa Berlege äğ’zalege belän könüzäk regional’ häm xalıqara täräqqiyätlärneñ dä quzğatıluı kötelä.



Bäyläneşle xäbärlär