AQŞ ilçese çaqırıldı
Baydennıñ süzlärennän soñ AQŞnıñ Änkaradağı ilçese Törkiyä tışqı êşlär ministrlığına çaqırıldı
1627756
AQŞnıñ Änkaradağı ilçese Dêvid Satterfild, ilbaşı Djo Baydennıñ 1915nçe yılğı waqıyğalarnı “genośid” dip tanuı säbäple, Törkiyä tışqı êşlär ministrlığına çaqırıldı. Aña älege belderügä Törkiyäneñ köçle reakśiyäse citkerelde.
Ministrlıq Baydennıñ süzläreneñ nigezsez buluın belderde. “İlçe Satterfildqa älege açıqlawğa qarata köçle reakśiyäbez citkerelde. Tarixi häm xoquqıy nigezgä tayanmawçı bu belderüneñ qabul itelmäs dip tabıluı, tulısınça kire qağıluı häm köçle tänqıyt’kä totıluı äytelde,”-diyelä ministrlıqtan.
Satterfildqa, şulay uq, Baydennıñ süzläreneñ xalıqara xoquq küzlegennän buş buluı, törek xalqın tirän kimsetüe häm mönäsäbätlärgä tözätüe awır bulğan yara yasawı citkerelde.
