23 aprel’ uñayınnan iftar aşı

Törkiyä ilbaşı Räcäp Tayyip Ärdoğannıñ xäläl cefete Äminä Ärdoğan 23 aprel’ Milli Möstäqıyl’lek häm Balalar bäyrämendä balalar belän awız açuları belän bäyle Twitterda açıqlaw yasadı.

“Däwlätneñ qunaq yortında iftar tabını bu tapqır ğailäsez balalar öçen äzerlände. 23 aprel’ne bergäläp qotladıq. Barlıq balalarıbızğa yaxşı kiläçäk telim, barısın da qoçaqlıym,” – dip yazdı ul.

Äminä Ärdoğan yullamasında Törkiyä ilbaşı Räcäp Tayyip Ärdoğan belän qatnaşqan iftar aşında töşerelgän fotoräsemnärne dä urtaqlaştı.

Törkiyä ilbaşı häm xäläl cefete kiçä 23 aprel’ Balalar bäyräme uñayınnan ğailäse bulmağan balalar belän awız açtı, alar belän bergä räsemgä töştelär.