Dӓwlӓt rӓsmilӓre Anıtqaberdӓ

 Törkiyӓ Böyek Millӓt Mӓclese başlığı Mostafa Şӓntop rӓislegendӓge dӓwlӓt rӓsmilӓre Törkiyӓ Böyek Millӓt Mӓclese tözelüneň 101 yıllığı hӓm 23 nçe aprel’ – Milli möstӓqil’lek hӓm balalar bӓyrӓme uňayınnan Anıtqaberdӓ uzğan tantanada qatnaştı.

Tantanada qatnaşuçılar arasında ilbaşı urınbasarı Fuat Oktay , “Cömhüriyӓt xalıq” partiyӓse ğomum başlığı Kӓmal Kılıçdaroğlu , “İYİ” (Yaxşı)  partiyӓse ğomum başlığı Meral Akşener, ilbaşı idarӓse kabinetı ӓğ’zaları hӓm xalıq ışanıçlıları bar ide.

Törkiyӓ Böyek Millӓt Mӓclese başlığı Mostafa Şӓntop Anıtqaber maxsus dӓftӓren imzalap tübӓndӓgelӓrne yazdı: “Ğaziz Atatörek. Törkiyӓ Böyek Mӓclese açılışınıň 101 yıllğında bez sezneň ruxi xozurığızda. Xalqıbız hӓm Watanıbıznı maqsat itep alğan qaraňğı çorda Ӓnkarada milli yaňarış adımı bularaq cıyılğan hӓm milli körӓşneň üzӓge bulğan Törkiyӓ Böyek Millӓt Mӓclese iyӓ bulğan böyek mӓğ’nӓ hӓm wazıyfanı bik yaxşı belӓbez”.

Şӓntop Törkiyӓ Cömhüriyӓte hӓm anıň çın xucası bulğan xalıqnıň ,101 yıl êlek bulğan kebek, bügenge köndӓ dӓ tarixnı tanıp belü hӓm kilӓçӓkne tözü mӓs’ӓlӓsendӓ iradӓseneň qatğıy buluın assızıqladı.