Törkiyä Bosniya Gerśegovinağa 10 meň doza vakśina büläk itte

Törkiyӓ koronavirus belӓn körӓş qısasında bülӓk itep birgӓn 10 meň doza Sinovak vakśinası Bosniya Gerśegovinağa barıp citte.

İlgӓ Törkiyӓ ilbaşı Ӓrdoğannıň boyırığı belӓn 28 nçe martta da 30 meň doza Sinovak vakśinası cibӓrelgӓn ide.

Bosniya Gerśegovina qurqınıçsızlıq ministrı Selmo Çikotik hawa mӓydanında Törkiyӓ xalqına hӓm êçke êşlӓr ministrı Sölӓyman Soyluğa rӓxmӓtlӓren citkerde hӓm vakśinalarnıň iminlek oyşmalarında êşlӓwçelӓrgӓ qadalaçağın ӓytte.

Çikotik Törkiyӓneň awır waqıtlarında Bosniya Gerśegovinanıň yanında buluın hӓm monı tağın ber tapqır raslawın belderep :”Bu rӓweşle iminlek köçlӓrebezgӓ üz eşlӓren yaxşıraq başqarırğa mömkinlek birӓbez hӓm ike il arasında qurqınıçsızlıq ölkӓsendӓ xezmӓttӓşlekne nığıtabız”,- dide.