Çik buyında 100 metrlık tunnel'

Törkiyäneñ Hatay çigendä ber oçı Süriyädä bulğan 100 metrlık tunnel’ tabıldı.

Hataynıñ Reyhanlı rayonındağı Bükülmez çik buyı iminlek bülekçäsendäge törek ğaskäriläre töbäktä başqarğan êzläw-tikşerü êşläre waqıtında yaqınça 100 metr ozınlıqta tunnel’ tabıldı.

Xärbilärneñ iğtibarlı buluı yärdämendä tabılğan tonnel’ aşa ilgä kerergä cıyınğan 24 keşelek qaçaqlar törkeme dä totıldı.

Töbäktä ütkärelgän centekle tikşerülärdä tunnel’neñ ber oçınıñ Süriyädäge Atme qaçaqlar lagerendäge ber öygä çığuı öyränelde.

Qaçaqlar belän ber rättän terrorçılarnıñ da qullana aluı belderelgän tunnel’ qullanılmas xälgä kiterelde.