Ärdoğannan D-8 illärenä İslami megabank çaqıruı

İlbaşı Räcäp Tayyip Ärdoğan İslami finans oyışmalarınıñ likvidlıq ixtiyacların häm möselman geografiyasınıñ artqan asqorma finanslaw ixtıyacların ber’yulı qanäğätländeräçäk İslami megabank fikeren êşläp bula aluın äytte

1617385
Ärdoğannan D-8 illärenä İslami megabank çaqıruı

İlbaşı Räcäp Tayyip Ärdoğan D-8 oyışmasınıñ 10nçı sammit cıyılışında turıdan-turı êlemtä belän qatnaştı.

Şuşı sammit cıyılışı belän 4 yılğa yaqın däwam itkän çirattağı räislekne Bangladeşqa tapşıraçaqların iskärtep uzuçı Ärdoğan: “Sekretariatı İstanbulda urnaşqan oyışmabız qorılğannan birle çirek ğasırda köçäyep üz yulın däwam itte”, - dip äytte.

Soñğı ber yılda dönyada täêsirle bulğan yaña tör koronavirus (Kovid-19) kizüe belän köräştä berence könnän birle xalıqara xezmättäşlekneñ möhimlegenä häm zaruriyätenä iğ’tibarnı yünältülären iskärtep uzuçı  Ärdoğan: “Törkiyä bularaq keşe östendä täcribälären ütkärgän cirle vakśinabıznı “Berkem dä qalmasın” prinśibı belän böten keşelekneñ qullanıluına täq’dim itäçäkbez”, - dip belderde.

Törkiyä bularaq D-8 illäre arasında säwdäneñ ciñeläytelüe öçen strategiya dokumentın äzerläp bäyläneşle illärgä cibärülären citkerüçe Ärdoğan: "İslami finans oyışmalarınıñ likvidlıq ixtıyacların häm möselman geografiyasınıñ artqan asqorma finanslaw ixtıyacların ber ük waqıtta qanäğätländeräçäk häm onlayn platformağa tayanğan İslami Megabank fikereneñ dä êşlänä aluına ışanam”, - dip äytte.

Ärdoğan: “İllärebezne valyuta kursına bäyle risklardan saqlaw öçen cirle aqça belän säwdägä östenlek birüebez şart. D-8 barter bankınıñ bu yünäleştä êşçänlegen tizländerüen şuşı cähättän faydalı, dip küräm”, - dide.



Bäyläneşle xäbärlär