Törkiyä büläk itkän vakśina barıp citte

Törkiyäneñ koronavirus kizüe belän köräş qısalarında cibärgän 30 meñ doza Sinovak vakśinası Bosniya-Gerśegovinağa barıp citte. İlbaşı Räcäp Tayyip Ärdoğan 16nçı martta älege ilneñ wäkilläre Änkarağa kilgän waqıtta bu xaqta süz birgän ide.

Vakśinalarnı aşığıç yärdäm oçqıçı belän Xalıqara Sarayevo aêroportına ilttelär. Bosniya-Gerśegovinanıñ qurqınıçsızlıq ministrı Sel’mo Çikotiç jurnalistlar brifingında ilbaşı Ärdoğan häm Törkiyä xalqına räxmäten belderde. “Törkiyä härwaqıttağıça bügen dä bezgä yärdämgä äzer buluın kürsätte,”-dide ul.  

Törkiyäneñ älege ildäge wäkile Özgür Şahin da Bosniya-Gerśegovinağa kizü beläñ köräştä yärdämneñ däwam itäçägen citkerde.