İq’tisadi reformalar kalendar’ planı bilgelände

İlbaşı Ärdoğannıñ 12nçe martta açıqlağan İq’tisadi reformalar ğamäl planı kalendare bilgele buldı

1607503
İq’tisadi reformalar kalendar’ planı bilgelände

İlbaşı Räcäp Tayyip Ärdoğannıñ 12nçe martta açıqlağan iq’tisadnı kapital salu, citeşterü, êş belän täêmin itü häm êksport nigezendä üsterügä qağılışlı İq’tisadi reformalar ğamäl planı kalendare, bäyläneşle ministrlıqlarnıñ häm oyışmalarnıñ yul kartası bilgele buldı.

Kazna häm finans ministrı Lütfi Älvan “Twitter” akkauntınnan urtaqlaşqan yazmasında: "İq’tisad reformalarıbıznıñ kalendar’ planın tämamladıq. Ministrlığıbıznıñ internet säxifäsennän qarıy alasız. Xäyerle bulsın”, - dip äytte.

Ğamäl planı – däwlät finansları, bäyä totrıqlılığı, finans tarmaq, ağımdağı xisap defiśıtı, êş belän täêmin itü, korporativ idarä, investiśiyälärneñ qızıqsındırıluı, êçke säwdäneñ ciñeläytelüe, köndäşlek, bazar küzätelüe häm tikşerelüe belän bergä 10 başçada töp ğamällärdän tora.

Kalendar’ planğa kürä, 850 meñ säwdägärneñ salımnan azat itelüe turındağı qanun belän bäyle êşçänlek yıl axırına qadär tämamlanaçaq.

30nçı iyün’gä xätle däwlät tarmağında transport satıp alu çığımnarın çikläw öçen çaralar küreläçäk.

18 yäş’kä qadär buluçılarnı İndividual’ pensiya sistemasına kertäçäk êşçänlek tä tämamlanaçaq.

Bäyä totrıqlılığı komitetı da 30nçı iyün’gä xätle oyıştırılaçaq.

Üzäk Bank śifrlı aqçanıñ iq’tisadi, texnologik häm xoquqi asqormasın yıl azağına qadär tämamlayaçaq.

Şuşı kalendar’ planğa kürä, İq’tisadi reforma paketındağı böten ğamällär 2023nçe yılnıñ mart ayına xätle tögällänäçäk.



Bäyläneşle xäbärlär