Ärdoğan: “Bez duslarnı arttırıp, doşmanlıqnı beterüdä qatğıy”
İlbaşı Räcäp Tayyip Ärdoğan Törkiyäneñ Afrika, Aziya häm Awrupanıñ yörägendä urnaşqan il bularaq ni könçığıştan, ni dä könbatıştan waz kiçü lyuksı bulmawın äytte
“Ğadälät häm qalqınu” partiyasınıñ ğomum başlığı da bulğan Ärdoğan başqala Änkarada partiyasınıñ 7nçe çirattağı zur kongressında yasağan çığışında aldıbızdağı çorda duslarnıñ sanın arttırıp, doşmanlıqnı beterep, Törkiyä urnaşqan töbäkne xozur utrawına äyländerüdä qatğıy buluların belderde.
"Süriyä çın mäğ’näsendä süriyälelärneñ idarä itkän urınğa äylängänçegä çaqlı tırışlığıbıznı alıp baraçaqbız”, - dip äytüçe Ärdoğan Süriyä xalqınıñ yanında bulırğa däwam itäçäklären belderde.
Ärdoğan Törkiyä täêmin itkän yärdäm näticäsendä bügen Liviyanıñ yañadan kiläçägenä ömet belän qarıy alaçağın, demokratik barışlarnı alıp bara aluın assızıqladı.
Amerika Quşma Ştatlarınnan Rusiyägä, Awrupa Berlegennän ğaräp geografiyasına qadär böten illär belän mönäsäbätlärne Törkiyäneñ mänfağätläre häm millätneñ kötkännäre qısalarında şäkelländerüne däwam itäçäklärenä basım yasawçı İlbaşı Ärdoğan: "Afrika, Aziya häm Awrupanıñ yörägendä urnaşqan il bularaq ni könçığıştan, ni dä könbatıştan waz kiçü lyuksıbız yuq”, - dip äytte.
