Akar: "Tikşerülär bügen başlanaçaq"
Milli saqlanu ministrı Hulusi Akar "Qazanıñ kinät kenä üzgärep kitkän tiskäre hawa şartları arqasında barlıqqa kilüe östendä torıla"
Qaza bulğan töbäkkä kitkän Akar boralaqnıñ qazağa duçar buluı belän bäyle bularaq:
"Berençe mäğ’lümatlärgä häm waqıyğa şahitläreneñ äytkännärenä kürä, qazanıñ kinät kenä üzgärep kötkän tiskäre hawa şartları arqasında barlıqqa kilüe östendä torıla.
Qaza törkemenä kiräkle kürsätmälär şunda uq birelde. Tikşerülär bügen başlanaçaq. Bu qayğılı waqıyğanıñ tögäl säbäbe centekläp tikşerü näticäsendä bilgelänäçäk.
Bezne tiran borçuğa salğan şuşı qazada şähit bulğan qaharman xezmättäşlärebezgä Allahtan yarlıqaw telim, qimmätle ğailäläreneñ, tuğannarınıñ, törek qorallı köçläreneñ häm millätebezneñ qayğısın urtaqlaşam, sabırlıq telim, yaralanğan personalıbıznıñ tizräk sawığuın telim”, - dip äytte.
Hulusi Akar şähit bulğan 11 ğaskäri öçen Älazığ hawa mäydanında oyıştırılğan ozatu cıyınınnan soñ jurnalistlarğa yasağan açıqlawında da yaralanğan xärbilärneñ xäleneñ yaxşı buluın belderde.
